"Nyukasl"dan böyük futbol proqramı - "Fənərbağça"nın türkiyəli futbolçusu üçün 20 milyon avro!

Səudiyyə Ərəbistanı kralının taxt-tacının vəliəhdi, şahzadə Məhəmməd bin Salmanın rəhbəri olduğu “Nyukasl Yunayted” klubu böyük futbol proqramı hazırlayıb.

Layihədə “Nyukasl” klubuna aparıcı futbolçuların transfer edilməsi yer alır.

Məlumata görə, NY “Fənərbağça”nın gənc isteadı Ferdi Kadıoğlunu transfer etmək istəyir. Bildirilir ki, "sağsağanlar" Türkiyə millisinin üzvü üçün 20 milyon avro ödəməyə hazırdır. Məlumata görə, futbolçu ilə Avropanın daha bir neçə aparıcı klubu maraqlanır. \\Offsideplus.az