Nostradamus 2026: Dünyanı qan və fəlakətlər gözləyir, bir lider öləcək
Gələcəyə dair öncədən söylədikləri ilə tanınan fransız kahin Nostradamusun 2026-cı il üçün irəli sürdüyü proqnozlar ortaya çıxıb.
Məşhur kahin Nostradamusun 2026-cı il üçün təqdim etdiyi proqnozlar tükürpədicidir. XVI əsrdə yaşamış fransız həkim Mişel de Nostradam, gələcəkdən xəbər verdiyi iddia edilən şeirsayağı dördlükləri ilə Avropa saraylarının diqqətini çəkmiş və Fransa kraliçası Katerina de Mediçinin himayəsinə daxil olmuşdu.
Əslində Nostradamusun yazdıqları müəyyən illərə deyil, “yüzillər” adlanan bölmələrdəki dördlüklərə əsaslanır. 2026 ilə bağlı ipucları isə həmin bölmələrin 26-cı dördlüklərində axtarılır. Ortaya çıxan mənzərə isə bu ildə böyük fəlakətlər və qeyri-adi hadisələrin bir arada ola biləcəyini göstərir.
Birinci Yüzilliyin 26-cı dördlüyündə “gündüz vaxtı böyük bir adama ildırımın düşəcəyi” qeyd olunur. Bəzi şərhçilər bunun sui-qəsd və ya texnoloji hücumlara işarə ola biləcəyini deyirlər. Həmin dördlük eyni zamanda İtaliyada mümkün bir epidemiya ehtimalını vurğulayır; bunun mövsümi xəstəliklər və ya iqlim dəyişikliyi fonunda yayıla biləcək viruslarla əlaqədar ola biləcəyi bildirilir.
“Qan gölünə dönəcək”
Nostradamusun ikinci yüzillik proqnozlarında İsveçrənin Tiçino bölgəsinin müharibə ilə sarsılacağı yazılır. Tarix boyu neytral mövqeyi ilə tanınan bu bölgənin “qan gölünə dönəcəyi” təsvir edilir. Avropada artan gərginliklər və Rusiya–Ukrayna müharibəsi, bu proqnozu daha narahatedici edir.
“Haradan gəldiyi bilinməyən arı sürüsü”
Dördüncü yüzillikdə “mənbəyi bilinməyən böyük bir arı sürüsünün” ortaya çıxacağı qeyd olunur. Bəzi mütəxəssislər bunun ekoloji tarazlığın bərpası ola biləcəyini, digərləri isə istilacı növlərin təhlükəli şəkildə artmasına işarə etdiyini bildirirlər.
“Kralların və şahzadələrin bütləri hazırlanacaq”
Üçüncü yüzillikdə yer alan “kralların və şahzadələrin bütləri hazırlanacaq” ifadəsi, xüsusilə ABŞ-da son illər populyarlaşan qızıl heykəl və xatirə pulları ilə əlaqələndirilir. Beşinci yüzillikdə isə Slavyan xalqlarının müharibədən güclənərək çıxacağına işarə edilir – bu da Rusiyanın bölgədəki mövqeyi ilə bağdaşdırılır.
“Bir lider oxla yaralanacaq”
Yeddinci yüzillik dördlüklərində dənizlərdə böyük qarşıdurma ehtimalı vurğulanır. Şərhçilər bu riskin daha çox Çin tərəflərində artdığını qeyd edirlər. Eyni mətndə Madriddən bir liderin “oxla yaralanacağı” bildirilir; günümüzdə bu ifadə siyasi hücumlar və ya media təzyiqinə simvolik işarə kimi dəyərləndirilir.
“Ölülərdən yüksələn krallar”
2026-cı ilin rəqəmsal yozumu da proqnozlara qaranlıq çalar qatır. 2+0+2+6 = 10 olmaqla, “ölülərdən yüksələn krallar” kimi simvolik və qorxulu təsvirlər önə çıxır. Lozanna aid dördlükdə “haradan gəldiyi bilinməyən ağır qoxu” və “uzaq diyarlardan gələnlərin şəhərdən çıxarılması” ifadələri Avropada artan anti-miqrant meyilləri ilə əlaqələndirilir.
“Atalarından da zalım”
Onuncu yüzilliyin 10-cu dördlüyündə isə “atalarından daha zalım, insanlığın böyük düşməni” kimi təsvir edilən bir liderin yüksəlişindən bəhs edilir. Şərhçilər bunun Şimali Koreya kimi avtoritar rejimlər və ya yeni diktatorluq dalğaları ilə əlaqəli ola biləcəyini söyləyirlər.
Nostradamusun proqnozları, 2026-cı ilin həm siyasi, həm də elmi baxımdan qeyri-müəyyənliklərlə dolu, həm maraq doğuran, həm də qorxu yaradan bir il ola biləcəyini göstərir. \\Sherg.az