Nazarbayev dünyasını dəyişdi – SƏHƏR SAATLARINDA ÜRƏYİ DAYANIB

Qazaxıstanın birinci prezidenti Nursultan Nazarbayevin kiçik qardaşı Bolat Nazarbayev 71 yaşında vəfat edib.

Hurriyyet.az xəbər verir ki, bunu birinci prezidentin mətbuat katibi Aidos Ukibay bildirib.

“Səhər saat 9:28-də ürək fəaliyyəti dayandı (asistol). 23 dəqiqə ərzində aparılan reanimasiya tədbirləri nəticəsiz qaldı”, - o, bildirir.

Qeyd edək ki, noyabrın 4-də Bolat Nazarbayev infarkt keçirərək xəstəxanaya yerləşdirilib. Əvvəllər həkimlər ona qırtlaq xərçəngi, şəkərli diabet və böyrək çatışmazlığı diaqnozu qoyublar.

Nazarbayevin qardaşı 1997-ci ildən “BN Invest Holding”ə rəhbərlik edir. 2016-cı ildə “Salikalı Urpak” ictimai fondunu təsis edib.

Bolat Nazarbayevin adı bir sıra strateji sənaye sahələrində aktivlərin inhisarçılıq yolu ilə ələ keçirilməsində və s. qanunsuzluqda hallanıb.

Ülviyyə ŞÜKÜROVA

Hurriyyet.az