Naxçıvandakı aksiya: “Dünənə kimi səsimizi çıxara bilmirdik”

2022-12-29 09:27:00

Naxçıvandakı aksiya: “Dünənə kimi səsimizi çıxara bilmirdik”

Dünən Naxçıvanda bəzi taksi sürücüləri etiraz aksiyası keçirib.

BBC News Azərbaycancaya danışan sürücülər deyiblər ki, bu ilin martında istifadə etdikləri şəxsi maşınlarını Naxçıvanda yığılan Naz-Lifan markalı taksilərlə əvəz etməyə məcbur olublar.

Sürücülər iddia edirlər ki, "yeni" adı ilə onlara satılmış maşınlar 2017-ci ilin modelidir və "dəyərindən baha qiymətə" satılıb.

Naxçıvan Avtomobil Zavodunun əməkdaşı Elvin Əhmədli BBC-yə açıqlamasında maşınların köhnə olması və baha qiymətə satılması ilə bağlı iddiaları təkzib edib.

Taksi sürücülərinin bir şikayəti də Naxçıvan Muxtar Respublikasının (MR) yol polisi rəhbərliyindəndir. Onlar iddia edirlər ki, taksiləri qeydiyyata saldırarkən sənədləşmə işlərinə əlavə ödəniş etməli olublar.

Bu iddialara Naxçıvan Yol Polisindən cavab almaq mümkün olmayıb.

Qurumdan BBC-yə yalnız onu deyiblər ki, taksi sürücüləri ilə görüş olub, amma görüşün detalları barədə məlumatsızdırlar.

BBC Naxçıvan MR-ın Bakıdakı nümayəndəliyi ilə əlaqə saxlaya bilməyib.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.155264