Naxçıvanda Fuad Nəcəfli ilə sakinlərin görüşündə nə baş verib? - Video

2023-01-09 11:01:00

Naxçıvanda Fuad Nəcəfli ilə sakinlərin görüşündə nə baş verib? - Video

Azərbaycan Prezidentinin Naxçıvandakı səlahiyyətli nümayəndəsi Fuad Nəcəfli NMR Şərur Rayon İcra Hakimiyyətinin binasında vətəndaşları qəbul edib.

Nəcəfli əvvəlcə şəhid ailələrinin üzvləri ilə görüşüb, sonra sosial və məişət problemlərinin həlli üçün qəbula gələn digər vətəndaşları qəbul edib.

Respublika miqyaslı rəhbərin sadə vətəndaşları qəbul etməsi və onları dinləməsi Naxçıvan üçün qeyri-adi haldır.

Qəbula gələnlərdən biri olan Allahverdi Həsənov “Turan”a bildirib ki, yerli icra hakimiyyəti səlahiyyətli nümayəndənin səfərini əhalidən gizlədib və təlimatlandırılmış insanlarla görüş təşkil etməyə cəhd edib.

Həsənov onu da qeyd edib ki, əvvəllər yüksək vəzifəli şəxslərlə belə görüşlər keçirilməyib, başqa adamlar da onun kimi qorxusundan yuxarı orqanlara şikayət və müraciətlər etmirdilər.

Qeyd olunur ki, Nəcəfli ötən il dekabrın 22-də təyinat alandan sonra Naxçıvanda rayon rəhbərləri həftədə bir dəfə deyil, hər gün vətəndaşların qəbulunu təşkil etməyə başlayıb.

yenisabah.az


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.000959