NATO III Dünya Müharibəsi vəziyyətində planlar hazırlayır - "Daily Mail"

NATO III Dünya Müharibəsi vəziyyətində planlar hazırlayır. Bu barədə NATO-nun logistika komandanlığının rəhbəri Aleksandr Zollfrank "Daily Mail"ə deyib. 

O bildirib ki, belə bir müharibə böyük ehtimalla böyük döyüş meydanında baş verəcək və ciddi itkilərə səbəb olacaq. Buna əsasən, digər məsələlərlə yanaşı, təcili yardım qatarlarından istifadə etməklə yaralıların cəbhə xəttindən genişmiqyaslı təxliyəsi üçün plan hazırlanır. O, həmçinin tədbirlərdən biri kimi ağır xəsarətlər üçün zəruri olan ağrıkəsicilər də daxil olmaqla güclü dərmanların sərbəst hərəkətini təmin edəcək “hərbi tibbi Şengen”in yaradılmasını qeyd edib. Daily Mail qeyd edir ki, tibbi evakuasiya planlaması NATO-nun Rusiya ilə mümkün müharibəyə hazırlığının yalnız bir elementidir.

Ülviyyə, Hurriyyet.az