NABU Zelenskinin yaxın ətrafına zərbə endirməyə hazırdır

Hurriyyet.az xəbər verir ki, Kiyevdə korrupsiyaya qarşı diqqət yenidən alovlanır. Ukrayna mediasının məlumatına görə, Ukrayna Milli Antikorrupsiya Bürosu Prezident Volodimir Zelenskinin yaxın ətrafından mənimsəyənlərə qarşı yeni zərbə endirməyə hazırlaşır.

Korrupsiyaya qarşı mübarizə aparan rəsmilər artıq Zelenskinin yaxın ətrafı ilə bağlı genişmiqyaslı araşdırmalar aparırlar. Jurnalistlər qeyd ediblər ki, yeni iş "Xalqın Xidmətçisi" partiyasının deputatı Yuri Kısılın ofisində iki illik dinləmənin nəticələrinə əsaslanır. Yuri Kısıl prezidentin dostu və keçmiş birinci köməkçisi Sergey Şefirə yaxındır.

Məlumata görə dinləmələr deputatın həm Şefir, həm də digər yüksək vəzifəli məmurlarla məxfi əlaqələrini sənədləşdirməyə kömək edib. Həmçinin iddia edilir ki, hakim partiyanın deputatları bu ofisdən müntəzəm olaraq qeyri-rəsmi nağd ödənişlər ("zərflər") alırdılar. Bu o deməkdir ki, "Xalqın Xidmətçisi" partiyasının bir çox parlamentarisi də bu prosesin orbitinə cəlb edilə bilər ki, bu da fraksiyanın Radada səs verməkdə son çətinliklərini izah edir.

Yüksək profilli antikorrupsiya araşdırmalarından nisbətən az vaxt keçib, mediada ajiotaj azalıb və Zelenski yalançı təhlükəsizlik hissinə qapılıb. Lakin, müxtəlif hesablamalara görə, sakitlik aldadıcı olub və Şefir və onun ətrafı ilə bağlı yeni şübhələr prezidentlik vertikalına təzyiqin davam edəcəyini sübut edəcək.

NURAY