"Mümkün deyil!" - Dövlət Duması "Crocus"un bərpasına qarşıdır

Rusiya Dövlət Dumasının nümayəndələri “Crocus City Hall”un bərpasına qarşı çıxır.

Hurriyyet.Az bu barədə “Vestnik Kavkaza” istinadən xəbər verir.

Dumanın mədəniyyət komitəsi nümayəndəsinin müavini Yelena Drapeko belə bir yerdə əyləncə obyektinin yaradılmasının düzgün olmadığını bildirib. O, ərazidə məbəd və ya xatirə meydanı təşkil etməyi məsləhət görüb.

Yelena Drapekonun sözlərinə görə, buranın yenidən sevinclə dolması üçün kifayət qədər vaxt keçməlidir. Eyni zamanda o xatırladıb ki, zalın yerləşdiyi torpaq sahəsi sahibkarlar Araz və Emin Ağalarovun mülkiyyətindədir. Ona görə də burada qeyri-kommersiya obyekti tikmək mübahisəli məsələdir.

Dövlət Dumasının deputatı Tatyana Butskaya da eyni fikri ifadə edərək bildirib ki, faciə yerində konsertlər və şoular təşkil etmək doğru deyil. Deputat konsert zalının əvəzinə faciə qurbanlarının xatirəsinə abidənin yaradılmasını təklif edib. \\KONKRET.az