Moskva: "III Dünya müharibəsi başlanacaq"

Hurriyyet.az xəbər verir ki, Sergey Şoyqu III Dünya müharibəsinin nə zaman başlana biləcəyindən danışıb.
Rusiyanın keçmiş müdafiə naziri, hazırda RF Təhlükəsizlik Şurasının katibi olan Sergey Şoyqu TASS informasiya agentliyinə müsahibəsində deyib: "Sülhməramlıların Rusiyanın tarixi torpaqlarına yerləşdirilməsi III Dünya müharibəsinin başlanmasına səbəb ola bilər".
Şoyqu "tarixi Rusiya torpaqları" dedikdə Ukraynanın işğal altındakı ərazilərini nəzərdə tutub.
TŞ-nin katibi "könüllülər koalisiyasının sülhməramlılar adı altında Ukraynaya hərbi qüvvə yerləşdirmək planını" diqqətə çatdırıb.
Şoyqu deyib: "Avropanın sağlam təfəkkürlü iyasətçiləri başa düşürlər ki, belə bir ssenarinin reallaşması NATO-nun Rusiya ilə birbaşa toqquşmasına və ardından III Dünya müharibəsinin başlanmasına səbəb ola bilər". 
O, əmindir ki, “burada “sülhməramlılar” sözü əsl məqsədi – Ukrayna ərazisinə və onun resurslarına nəzarəti gizlətmək üçün işlədilir”.
Rusiya Təhlükəsizlik Şurasının katibi deyib: "Belə bir kontingenti işğalçı və ya ilhaqçı adlandırmaq daha düzgün olardı".
Hürr Tərcüman