MOLLA REJİMİ "KOLLEKTİV QƏRB"İN YAXIN ŞƏRQDƏKİ "POLİS İDARƏSİ"DİR - Qəvami Sadıqbəyli yazır
![MOLLA REJİMİ](/frontend/uploads/miles/iran-is.jpg)
1 aprel 2024-cü il tarixində Suriyanın paytaxtı Dəməşqdə bir neçə yüksək rütbəli İran hərbi komandirinin həlak olması ilə nəticələnən hücum təşkil olundu. İran rəsmiləri bu hücumu İsrailin həyata keçirdiyini bildirdi.
1 aprel zərbəsinə görə məsuliyyəti nə təsdiq, nə də təkzib edən İsrail öz növbəsində ordusunun, hava və dəniz qüvvələrinin İranın pilotsuz uçuş apatlarının hücumunu izlədiyini elan etdi.
ABŞ dövlət administrasiyası bəyan etdi ki, "Vaşinqton İsrail xalqının yanında olacaq və onların İrandan gələn təhdidlərə qarşı müdafiəsini dəstəkləyəcək”.
İsrailin baş naziri Netanyahu da açıq aşkar bildirdi: “Biz ABŞ-ın İsraillə yanaşı dayanmasını, həmçinin Britaniya, Fransa və bir çox digər ölkələrin dəstəyini yüksək qiymətləndiririk”.
İsrailin " Kanal 12 " televiziyası xəbər yaymışdı ki, "İran İsrailə qarşı pilotsuz uçuş aparatlarının (PUA) üçüncü dalğasını buraxıb. İranın İsrailə doğru uçan bəzi pilotsuz təyyarələri Suriya səmasında ələ keçirilib".
İranın BMT-dakı nümayəndəsi də elan etdi ki, "BMT nizamnaməsinin 51-ci maddəsinə [ özünümüdafiə ] uyğun olaraq , İranın həyata keçirdiyi hərbi əməliyyat; sionist rejimin Dəməşqdəki diplomatik binalarımıza hücumuna cavab idi. İndi məsələnin yekunlaşdığını güman etmək olar. Lakin İsrail rejimi növbəti səhvə yol verərsə, İranın reaksiyası daha sərt olacaq”.
Müşahidələr göstərir ki , üzdə rəqib kimi görünən İran və İsrail reallıqda "Kollektiv Qərb"in strateji proqramına xidmət edən "hərbi teatr " səhnələrində məharətlə oynayırlar .
Əslində, nələr baş verir?
Düşünürük ki: böyük güclərin məqsədi özlərinin uzun müddətə hesablanmış strateji proqramlarını həyata keçirməkdir. Məlumdur ki, l və ll Dünya müharibələrindən sonra ölkələrin əraziləri yenidən bölüşdürülmüşdür.
Böyük güclər - ABŞ, Böyük Britaniya , Fransa , Rusiya min illər Avroasiyanı idarə etmiş türk xalqlarının yenidən birləşməsinə imkan vermirlər. Səbəb sadə və aydındır. Türk xalqları birləşsə yenidən dünyanən ƏN QÜDRƏTLİ GÜC MƏRKƏZİNƏ çevrilə bilər.
Bu gün dünyaya nəzarət edən böyük güclər, xüsusilə "KOLLEKTİV QƏRB" buna yol verməmək üçün iki dövləti - Avrasiyanın mərkəzində yerləşən İranı gizli, Yaxın Şərqdə yerləşən İsrail dövlətini isə açıq şəkildə müdafiə edirlər.
REGİONA nəzarət etmək üçün həmin dövətlərdən jandarma - polis idarələri kimi istifadə edirlər .
Arxalarında "böyük güclərin" dayandığını bildikləri üçün İran və İsrail özlərini arxayın hiss edir , qonşuluqda yerləşən dövlətlərə "XOX" gəlirlər .
Məlumat üçün bildiririk ki, İranda farslarla yanaşı , azərbaycanlılar, ərəblər, kürdlər, bəluclar, ermənilər, gürcülər, yəhudilər, puştunlar və diğər müxtəlif xalqlar da yaşayır. Hazırda İranda yaşayan AZƏRBAYCAN TÜRKLƏRİNİN sayı 35 milyon nəfərdən çoxdur. Azərbaycan müharibə olmasını istəmir. Lakin biz İran - molla rejiminin Azərbaycanımız əleyhinə apardığı fəaliyyətinə göz yuma bilmərik.
Rəsmi Tehranın islam dini adı altında ölkəmizin müxtəlif bölgələrində gizli təbliğat apardığını bilirik. Reğonumuzda davam edən İndiki qarışıq mərhələdə İran təyyarələrinin Ermənistana hərbi texnika daşımasından da xəbərimiz var .
Hesab edirik ki, səhnələşdirilmiş "hərbi teatr " olsa da, hər ehtimala qarşı dövlətimiz İsrail-İran qarşıdurmasının uzanmasına və mümkün fəsadlarına qarşı hazır olmalıdır .
Qəvami SADIQBƏYLİ
![](/frontend/uploads/files_son/QAZ12.jpg)