Moldovada ət və yağ qiyməti təəccübləndirdi – Azərbaycanla fərqi…

"Bu ilik yanvar-aprel aylarında ölkəyə 9 323 ton 500 kq kərə yağı idxal edilib. Bunun üçün 65 mln. 474 min dollar ödənilib ki, bu da 1 kq kərə yağının ölkəyə idxal qiymətinin 11 manat 93 qəpik olduğu deməkdir. Ancaq bu ilin ilk 4 ayında ölkə üzrə kərə yağının orta satış qiyməti 23 manat 59 qəpik olub. Yəni yağ idxal qiymətindən 2 dəfədən də çox baha satılır".

Hurriyyet.az xəbər verir ki, bu barədə iqtisadçı Natiq Cəfərli bildirib.

O xatırladıb ki, hazırda Moldovadadır və bu Şərqi Avropa ölkəsində marketlərdə kərə yağın 1 kilosunun qiyməti ortalama 12-13 manat arasındadır.

“Moldovada mal ətinin 1 kilosu isə 10-12 manat arası dəyişir”, - deyə iqtisadçı əlavə edib.

Qeyd edək ki, Moldovada orta aylıq maaş Azərbaycandan yüksəkdir.

Bakupost.az