Saat:23:39
Haqqımızda

Milli Məclisin Aparatı satınalma üzrə mütəxəssis vəzifəsinə vakansiya elan etdi

2024-02-29 16:03:24

Milli Məclisin Aparatı satınalma üzrə mütəxəssis vəzifəsinə vakansiya elan etdi

Azərbaycan Respublikası Milli Məclisinin Aparatı inzibati vəzifələrin üçüncü təsnifatı üzrə (satınalmalar üzrə mütəxəssis vəzifəsinə) dövlət qulluğuna qəbul ilə əlaqədar müsahibə elan edir.

Hurriyyet.az-a bu barədə Milli Məclisin Media və ictimaiyyətlə əlaqələr şöbəsindən bildirilib. 

Vəzifənin qulluq funksiyaları “Dövlət satınalmaları haqqında” Azərbaycan Respublikası Qanunundan irəli gələn satınalan təşkilata aid vəzifələrin yerinə yetirilməsindən ibarətdir. Namizədlər ali təhsilə, “Dövlət satınalmaları haqqında” Azərbaycan Respublikasının Qanunu ilə müəyyən olunmuş satınalan təşkilatda dövlət satınalmaları üzrə 2 il iş stajına, dövlət satınalmalarının vahid internet portalından sərbəst istifadə etmək bacarığına malik olmalı, dövlət satınalmaları haqqında qanunvericiliyi yüksək səviyyədə bilməlidirlər. Yuxarıda göstərilən tələblərə cavab verən şəxslər öz tərcümeyi-hallarını [email protected] elektron poçt ünvanına göndərə bilərlər. Sənəd qəbulu 2024-cü il martın 7-dək davam edəcək.

Qeyd edirik ki, yalnız yuxarıda sadalanan tələblərə cavab verən namizədlərlə əlaqə saxlanılacaqdır.

Hurriyyet.az

1954-cü ildə istehsal olunan “Qaz 12” SATILIR – ONDAN XRUŞOV DA İSTİFADƏ EDİB / FOTOLAR