Millət vəkili Könül Nurullayeva növbəti vətəndaş qəbulunu keçirib

2022-06-16 12:22:00

Millət vəkili Könül Nurullayeva növbəti vətəndaş qəbulunu keçirib

24 saylı seçki dairəsi üzrə Milli Məclisin deputatı Könül Nurullayeva Nizami rayon sakinləri, o cümlədən Azərbaycanın digər bölgələrində yaşayan vətəndaşlar tərəfindən ünvanlanmış müraciətlərə əsasən növbəti vətəndaş qəbulunu keçirib.

Görüşdə millət vəkili vətəndaşları canlı və onlayn formatda dinləyib, müxtəlif mövzularda onları narahat edən problemləri qeydiyyata götürüb.

Deputat qərargahından verilən məlumata əsasən, görüş zamanı qəbul iştirakçıları tərəfindən səsləndirilən əsas məsələlər sırasında Vətən Müharibəsi şəhidinin adına abidə ucaldılması, məhkəmə qərarının icrasının təmin edilməsi ilə bağlı vətəndaşa hüquqi dəstəyin göstərilməsi, sosial-məişət şəraiti aşağı olan ailənin müvəqqəti olaraq sığınacağa yerləşdirilməsi, aztəminatlı ailələrə mənsub abituriyentlərə qəbul imtahanlarına hazırlanmaqda dəstəyin göstərilməsi və s. bu kimi məsələlər başlıca yer alıb.

Qəbulun sonunda deputat K.Nurullayeva görüş iştirakçılarına bildirib ki, qeydiyyata götürülmüş müraciətlər ən yaxın zamanda aidiyyəti üzrə müvafıq qurumlara ünvanlanacaq, məsələlərin həlli istiqamətində lazımi addımlar atılacaqdır.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya