"Milan"ın nümayəndəsi iki futbolçu üçün Londona yollandı

"Milan" London "Arsenal"ının iki futbolçusunu heyətinə qata bilər.

İnformasiyanı "La Gazzetta dello Sport" yayıb.

Məlumata görə, "rossonerlər"in nümayəndəsi dünən Londonda "topçular"ın rəhbərliyi ilə görüşərək iki müdafiəçinin - ukraynalı Aleksandr Zinçenko və polşalı Yakub Kivyorun mümkün transferini müzakirə edib.

Geridə qalan mövsümdə 28 yaşlı Zinçenko "Arsenal" forması ilə 23 matça çıxaraq 1 qol və eyni sayda məhsuldar ötürmə ilə yadda qalıb. 

25 yaşlı Kivyor 2024/2025 "futbol ili"ndə London təmsilçisində 30 qarşılaşmada forma geyinib. O, 1 qol və 2 assistlə diqqət çəkib. \\Fanat.Az