"Meriban Əliyeva Mehdiyevi bitirdi, iqtidara yeni nəfəs gətirdi" - Rauf Arifoğlu

2022-08-27 00:10:00

"Ölkənin Birinci xanımının builki doğum gününə ən böyük hədiyyə Laçın oldu. Həm də təkcə ona deyil, bütün Azərbaycana, 50 milyonluq Azərbaycan türklərinin ömrünə qızıl hərflərlə yazılan bir gündür, 26 avqust! Ordumuzun Laçın şəhərinə, Sus və Zabux kəndlərinə daxil olduğu gün!"

Hurriyyet.az xəbər verir ki, bunu "Yeni Müsavat" Media Qrupunun rəhbəri, Əməkdar jurnalist Rauf Arifoğlu bildirib.

O, Birinci xanımın doğum günü ilə bağlı özünün "Facebook" hesabında bunları yazıb:

"Son iki ildə möcüzələr yaşayan, 30 illik məğlubiyyət zolağından Zəfərlə çıxan Azərbaycanımızın uğurlarında onun da böyük payı var!

2019-cu ildən start götürən ''Mehriban islahatlar''ın həmmüəllifi, yeni islahat komandasının qurucularından biri, ölkəsini Vətən Müharibəsinə hazırlayan strateq Rəhbərin istinad və güvən ünvanı...

Bu barədə ötənilki təbrikimdə də yazmışdım: İllərlə bizim mübarizə apardığımız neqativlərlə və neqativ məmurlarla o da mübarizədəydi...

"Mehdiyevçiliyi" və Mehdiyevi bitirdi, tarixin arxivinə yolladı...

Müharibə dövründə və ondan sonra sərgilədiyi davranışlar, fəaliyyəti, duruşu qürurvericidir.

O həm də Prezidentin ən uğurlu kadr təyinatlarından biri sayılır.

Onun dövlət rəhbərliyinə gəlişi ilə ölkə boyunca dəyişikliklər, inqilab xarakterli kadr islahatları daha da radikallaşdı, sürətləndi.

İqtidara yeni nəfəs və dinamik komanda gətirdi...

Ölkə üçün çox kritik üç ildə, özəlliklə də son 2 ildə Birinci vitse - prezidentin gördüyü işlər, ölkəsinə, Ali Baş Komandana verdiyi faydalar ölçüyəgəlməzdir.

Proses davam edir.

"Mehriban islahatlar" yekunlaşmayıb və görüləsi çox işlər var.

O bizə, ölkəsinə və dövlətə, Ali Baş Komandana hələ çox lazımdır.

Ömrü və uğurları bol olsun!"


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.062846