Makron: “Ukraynaya göndərilən silahlarla Rusiya ərazisi vurulmamalıdır”

Hurriyyet.az xəbər verir ki,  Fransa Prezidenti Emmanuel Makron yanvarın 30-da, Haaqada mətbuat konfransı zamanı çıxışında Qərbin Ukraynaya verdiyi silahlardan Rusiya ərazisinə zərbə vurmaq üçün istifadə edilməməli olduğunu söyləyib.

Makron Fransanın Ukraynaya təyyarə tədarük etməyə hazır olub-olmadığı barəsindəki sualın cavabında deyib: “Heç nə istisna deyil, lakin üç meyar əsas götürülməlidir.

Birincisi, bu cür tədarüklərin Ukrayna ordusu üçün, o cümlədən, heyət üzvlərinin təliminin davamiyyəti baxımından faydalılığı.

İkinci meyar –  bu tədarüklər münaqişəni alovlandırmamalıdır. Bizim göndərdiyimiz silahlar Rusiya ərazisinə toxunmamalı, Ukraynanı müdafiə eləməlidir.

Üçüncü meyar – bu silah tədarükləri bizim müdafiə qabiliyyətimizi zəiflətməməlidir”.

Hürr Tərcüman