Lamiyə yenə finalda!
2024-09-06 09:33:37
Fransanın paytaxtı Parisdə təşkil olunan Yay Paralimpiya Oyunlarında sentyabrın 3-də 100 metr məsafəyə qaçış üzrə çempion olan Azərbaycanın paraatleti Lamiyə Vəliyeva (T13 kateqoriyası) bu gün növbəti sınağına çıxıb.
Hurriyyet.az xəbər verir ki, idmançı 400 metr məsafəyə qaçışı 56,51 saniyəlik nəticə ilə başa vurub.
O, təsnifat mərhələsini 2-ci pillədə yekunlaşdırıb.
Məlumat üçün deyək ki, final mərhələsi sentyabrın 7-də baş tutacaq.
Qeyd edək ki, Azərbaycan paralimpiyaçıları Paris-2024-də 3 qızıl, 1 gümüş və 3 bürünc müdal qazanıblar.
