Kulebanı kim əvəz edəcək? - İki namizədin adı açıqlandı

Ukrayna Xarici İşlər Nazirliyinin rəhbəri Dmitri Kulebanın istefa ərizəsi yazdığı haqda məlumat vermişdik.

Hurriyyet.az xəbər verir ki, artıq Kulebanı kimin əvəz edəcəyi ilə bağlı müzakirələr başlayıb.

“Kulebanın yerinə Ukrayna prezidentinin ofisindən kimsə gələ bilər”.

Bunu Ukrayna Ali Radasının deputatı Aleksey Qonçarenko bildirib.

Belə ki, onun sözlərinə görə, Kulebanı Ukrayna Xarici İşlər Nazirliyi rəhbərinin birinci müavini Andrey Sibiqa və ya hazırkı Prezident Aparatı rəhbərinin müavini Nikolay Toçitski əvəz edə bilər.

Deputat Yaroslav Jeleznyak da Kulebanın "prezident ofisindən biri ilə" dəyişdiriləcəyinə işarə edib./publika.az/