"KTMT hələ qılıncını qınından çıxarmayıb” – Sidorov

2022-09-17 21:17:00

“KTMT hələ qılıncını qınından çıxarmayıb”.

Bu barədə jurnalistlərə KTMT-nin Ermənistandakı missiyasının qabaqcıl qrupu məlumat verib.

“KTMT “hələ qılıncını qınından çıxarmayıb” və Ermənistan – Azərbaycan, eləcə də Qırğızıstan – Tacikistan sərhədlərində gərginliyin kəskinləşməsini sülh yolu ilə həll etməyə çalışır”, – deyə general-polkovnik Anatoli Sidorov deyib.

Onun sözlərinə görə, həm Ermənistan-Azərbaycan sərhədində, həm də Tacikistan-Qırğızıstan sərhədində KTMT üçün xoşagəlməz vəziyyət yaranıb.

“Eyni zamanda bizim nizamnaməmizdə də, sənədlərimizdə də, Kollektiv Təhlükəsizlik Müqavilənin özündə də siyasi və diplomatik üsullara üstünlük verildiyi yazılıb. Ona görə də hələlik biz qınından heç bir qılınc çıxartmırıq və məsələləri mümkün qədər sülh yolu ilə həll etməyə çalışırıq. Hesab edirəm ki, bu istiqamətdə işin həm burada, həm də Mərkəzi Asiya regionunda böyük perspektivləri var”, – deyə general-polkovnik bildirib.

“Bu günün əsas vəzifəsi ərazilərə, toqquşmaların baş verdiyi yerlərə: relyef ərazilərinə, yaşayış məntəqələrinə, atəşə məruz qalmış erməni tərəfinin bölmələrinin mövqelərinə baş çəkmək idi… Biz çalışırıq ki, obyektiv olaq, mümkün qədər faktlar üzərində işləyəcəyik. Hələlik hər hansı nəticədən danışmaq tezdir və ümumilikdə bu, işin nəticələrinə dair ümumi hesabata daxil ediləcək”, – deyə missiyanın qabaqcıl qrupunun rəhbəri bildirib.

Xuraman Etibarlı,

KONKRET.az


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.058486