Kreml prezident seçkilərinə hazırlaşır? - Peskovdan cavab

"Kremlin 2024-cü il prezident seçkilərinə hazırlığa başlaması hələ tezdir".

Hurriyyet.az xəbər verir ki, bunu mətbuat katibi Dmitri Peskov bildirib.

O, Mərkəzi Seçki Komissiyasının sədri Ella Pamfilovanın MSK-nın artıq prezident seçkilərinə hazırlaşdığı barədə sözlərinə münasibət bildirib:

"Bunu hamı bilir. Bu prosesdir. MSK öz funksiyalarını yerinə yetirir".

Prezident administrasiyasında oxşar işlərin görülüb-görülməməsi ilə bağlı suala Peskov belə cavab verib: "Hələ tezdir. Kampaniya hələ başlamayıb. Kremldə çoxlu cari işlər var. Prezidentin çox fəal qrafiki və gərgin gündəliyi var".

Xatırladaq ki, Rusiyada prezident seçkiləri 2024-cü il martın 17-də keçiriləcək. (yenisabah)