Köçərli Həsənov vəfat etdi

“İri Şəhərlərin Birləşmiş Su Təchizatı Xidməti” publik hüquqi şəxsin İdarə Heyətinin sədri Köçərli Həsənov vəfat edib.

Hurriyyet.az xəbər verir ki, səhhəti pisləşən K.Həsənov bu gün səhər saatlarında dünyasını dəyişib.

Bildirilir ki, K.Həsənov İstanbulda Memorial Şişli xəstəxanasında ürək əməliyyatı keçiribmiş. Əməliyyatdan sonra o, həyatını itirib.

Qeyd edək ki, 63 yaşlı Köçərli Həsənov uzun illər “Azərsu” ASC-nin sədrinin müavini vəzifəsində çalışıb. Bu il isə “İri Şəhərlərin Birləşmiş Su Təchizatı Xidməti” publik hüquqi şəxsin İdarə Heyətinə sədr təyin olunub.