Kərkükdə İŞİD-ə qarşı əməliyyat
Hurriyyet.az TRT Haber kanalına istinadla xəbər verir ki, dünən İraqın Kərkük şəhərində İŞİD terror təşkilatına keçirilən antiterror əməliyyatı nəticəsində 5 terrorçunun zərərsizləşdirildiyi bildirilir.
Kərkük Polis İdarəsinin mətbuat təmsilçisi Amir Nuri, şəhərin cənubundakı Havice rayonunun Rəşad bölgəsinin yaxınlığındakı İŞİD terrorçularına qarşı əməliyyat keçirildiyini, İraq federal polis qüvvələrinin 5 terrorçunun zərərsizləşdirildiyini söyləyib.
2014-cü ilin iyununda İŞİD terror təşkilatı İraqın Mosul, Səlahəddin və Ənbar vilayətlərinin bir qismini ələ keçirsə də, sonralar bu ərazilər terror işğalından azad edilmişdi.
2017-ci il, 9 dekabr tarixində İraqın Baş naziri Heydər Əl İbadi çıxış edərək ölkə ərazisində İŞİD-in məğlub olduğunu bəyan eləmişdi.
İŞİD-in regiondan qovulması və şəhərlərin geri alınmasının üstündən 5 il keçdiyinə baxmayaraq, İŞİD-in Kərkük, Diyala, Mosul, Səlahəddin və Ənbar vilayətlərinin çöl ərazilərindəki hücumları davam edir.
Noyabrın 19-da Kərkükdə orduya məxsus nəzarət məntəqəsinə səsbatırıcılı silahlarla edilən hücum nəticəsində 4 nəfər İraq əsgəri şəhid olmuşdu.
Hürr Tərcüman