"Karqo şirkətindən gəlmişik" dedilər - Bakıda ev sahibi paketi açanda şoka düşdü

2022-11-17 21:37:00

Bakıda "karqo şirkətindən gəlmişik" deyib evə hədiyyə gətirənin paketindən qərənfil və qumbara çıxıb.

Hurriyyet.Az Xəzər TV-yə istinadən xəbər verir ki, hadisə ötən gün Bakının Nəsimi rayonu, Alı Mustafayev küçəsi 1 ünvanında, paytaxt sakini Ceyhun Cəfərzadənin evində baş verib.

Zərərçəkmiş deyir ki, anası ona zəng vuraraq, ''oğlum, sənə hədiyyə göndəriblər'' deyib. Ev sahibi isə qapını açmayıb.

Vəziyyətdən şübhələnən Ceyhun Cəfərzadə dərhal 102-i xidmətinə məlumat verib. Hadisə yerinə ərazi üzrə 19-cu polis şöbəsinin əməkdaşları gəlib baxış keçiriblər.

Sonra FHN-in Xüsusi Riskli Xilasetmə Xidmətinin əməkdaşları təhlükəsizliyi təmin etməklə qumbaranı mənzilin qarşısından götürüblər. Polis isə əməliyyat-axtarış tədbirlərinə başlayıb. Ceyhun Cəfərzadə iddia edir ki, qumbaranı mənzilinə keçmiş qayınatası Tiflisxan Bayramov göndərib.

Məsələ ilə bağlı adıçəkilən Tiflisxan Bayramovla əlaqə saxladıq. O, barəsində səslənən iddiaların əsasız olduğunu dedi.

Ceyhun Cəfərzadənin keçmiş qayınatası onu da bildirdi ki, bu işə görə polis onu çağırıb və izahatını alıb. Məsələ ilə bağlı Daxili İşlər Nazirliyindən ''Xəzər Xəbər''ə bildirildi ki, faktla bağlı araşdırma aparılır, məsələyə hüquqi qiymət veriləcək.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.184566