Saat:14:41
Haqqımızda

Jurnalistlikdən nazirliyə: Namiq Abbasov kim idi? – DOSYE

2024-03-28 22:50:48

Jurnalistlikdən nazirliyə: Namiq Abbasov kim idi? – DOSYE

Xəbər verdiyimiz kimi, bu gün Azərbaycanın sabiq milli təhlükəsizlik naziri Namiq Abbasov 84 yaşında vəfat edib.

1995-2004-cü illərdə milli təhlükəsizlik naziri olan Namiq Abbasovun dosyesini təqdim edirik:

Namiq Abbasov 1940-cı il fevralın 22-də anadan olub.

1962-ci ildə Azərbaycan Dövlət Universitetinin jurnalistika fakültəsini bitirib.

1962-1976-cı illərdə “Abşeron” qəzetində rəhbər vəzifədə çalışıb. 1970-ci ildən partiya işinə keçib, Azərbaycan KP Abşeron RK-nin II katibi vəzifəsində işləyib. 1977-ci ildən təhlükəsizlik orqanlarında fəaliyyətə başlayıb 1979-cu ildə SSRİ DTK-nın Ali Məktəbini bitirib şöbə rəisinin müavini, şöbə rəisi, Azərbaycan SSR DTK sədrinin müavini kimi vəzifələrdə işləyib.

1989-92-ci illərdə Rusiyanın Murmansk şəhərində keçmiş DTK sistemində çalışan eks-jurnalist N.Abbasov hələ sabiq prezident Elçibəyin vaxtında – 1992-ci ildə Azərbaycan milli təhlükəsizlik nazirinin müavini təyin edilib. Daha sonra nazirin birinci müavini vəzifəsinə irəli çəkilib.

Heydər Əliyev hakimiyyətə gəldikdən sonra general N.Abbasov sabiq nazir Nəriman İmranovun vəzifədən getməsindən sonra nazir təyin edilib. Bu, 1995-ci ilin mart ayında baş verib.

N.Abbasov 1995-ci ilin mart ayından 2004-cü ilin iyul ayınadək Azərbaycan Respublikası milli təhlükəsizlik naziri vəzifəsində işləyib, general-polkovnik hərbi rütbəsinə qədər yüksəlib.

Nazir postundan azad ediləndən sonra o, 2004-cü ilin 16 dekabr tarixində ölkə başçısının sərəncamı ilə  Azərbaycanın Özbəkistandakı səfiri təyin edilib.

2012-ci il oktyabrın 31-də Prezident İlham Əliyev Azərbaycanın Özbəkistan Respublikasında fövqəladə və səlahiyyətli səfiri Namiq Rəşid oğlu Abbasovun vəzifəsindən geri çağırılması barədə sərəncam imzalayıb.

Namiq Abbasov martın 27-si 2024-cü il tarixində vəfat edib.

 

@ Tribunainfo.az

1954-cü ildə istehsal olunan “Qaz 12” SATILIR – ONDAN XRUŞOV DA İSTİFADƏ EDİB / FOTOLAR