ISW: Lukaşenko Ukrayna ilə müharibə etmək istəmir və Rusiyanın təzyiqinə müqavimət göstərmək üçün informasiya fonu yaradır

ABŞ-ın "Müharibənin Öyrənilməsi İnstitutu"nun (ISW) son bülleteninin əsas mövzusu Aleksandr Lukaşenko və onun müdafiə naziri Viktor Xreninin Ukrayna və NATO-dan Belarusa hərbi təhdidlər barədə bəyanatları olub.
Lukaşenka cümə axşamı deyib: "Ukrayna istənilən bəhanə ilə çox güman ki, NATO-ya üzv ölkələrin qoşunlarını münaqişəyə cəlb etməyə çalışır. Bütün bunları Polşa ərazisinə son raket hücumları da təsdiqləyir". Xrenin isə öz növbəsində deyib: "Mən heç kimin sabah müharibənin başlayacağından qorxmasını istəmirəm. Prezident də öz hesabatında vurğuladı: müharibəyə birbaşa hazırlıq yoxdur".
Ukrayna Müdafiə Nazirliyinin Baş Kəşfiyyat İdarəsinin nümayəndəsi Vadim Skibitski isə çərşənbə günü televiziyada deyib: “Bu gün biz orada Belarus ərazisində yanvar-fevral aylarında güclü hücum qrupunun yaradılmasını qeyd etmirik".
ISW Lukaşenkonun açıqlamalarında iki məqsəd görür. Birincisi, Belarus-Ukrayna sərhədində gərginlik yaratmaq və bununla da Ukraynanı orada başqa istiqamətlərdə yerləşdirilə biləcək böyük hərbi qüvvələri saxlamağa məcbur etməkdir.
İnstitutun ekspertlərinin fikrincə ikinci və daha vacib məqsəd odur ki, Belarus rəsmiləri diqqəti Qərbdən Belarusa yönəlmiş təhlükənin artmasına cəlb etmək istəyirlər. Onların fikrincə, bu yolla Minsk Belarus ordusunu Ukrayna ilə müharibədə bilavasitə iştiraka vadar edən Moskvanın təzyiqlərinə müqavimət göstərmək üçün “informasiya şəraiti” yaradır.
ISW Belarusun müharibədə birbaşa iştirak ehtimalını hələ də olduqca aşağı qiymətləndirir.

Ülviyyə, Hurriyyet.az