İstirahətdən qayıdandan sonra xanımını 22 bıçaq zərbəsi ilə öldürüb

2022-06-03 22:15:00

İstirahətdən qayıdandan sonra xanımını 22 bıçaq zərbəsi ilə öldürüb

Bir neçə gün əvvəl Abşeronda baş vermiş qətlin bəzi təfərrüatları məlum olub.

İlkin araşdırmalar zamanı Abşeron rayonu, Aşağı Güzdək qəsəbəsində 1988-ci il təvəllüdlü Rimma Tarıverdiyevanın həyat yoldaşı 1984-cü il təvəllüdlü Qaçay Şahməmmədov tərəfindən 22 bıçaq zərbəsi ilə qətlə yetirildiyi məlum olub.

Bəlli olub ki, hadisədən bir neçə gün əvvəl onlar birlikdə istirahətə gediblər. Ümumilikdə isə bir-biri ilə sevib evlənən cütlüyün arasında ciddi problemin olması barədə qohumlarının məlumatı olmayıb.

2 övladı olan ailədə qətl hadisəsinin qəfil yaranmış söz-söhbət nəticəsində qısqanclıq zəminində baş verdiyi ehtimal edilir. Belə ki, Q.Şahməmmədov ifadəsində həyat yoldaşını çox sevdiyini, onu öldürməklə bağlı əvvəldən hər hansı fikrinin olmadığını bildirib.

Faktla bağlı Abşeron Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Qaçay Şahməmmədov şübhəli şəxs qismində tutularaq istintaqa cəlb edilib.

Hazırda cinayət işi üzrə zəruri istintaq tədbirləri davam etdirilir. \\Qafqazinfo


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya