İstanbul sammiti təxirə salındı

Hurriyyet.az xəbər verir ki, Qərb mətbuatının yazdığına görə, 14-15 fevral tarixlərində İstanbulda keçirilməsi planlaşdırılan, qaz qovşağı məsələsi ilə bağlı sammit Türkiyədə baş vermiş və 20 min nəfərdən artıq insanın ölümünə zəbəb olmuş dəhşətli zəlzələ ilə əlaqədar təxirə salınıb. Tədbirin 22 mart tarixində keçirilməsinin planlaşdırıldığı bildirilir. Türkiyənin Energetika və Təbii Sərvətlər Nazirliyindəki mənbənin də xəbəri təsdiqlədiyi qeyd edilir.

İstanbul sammitində bir sıra Avropa ölkələrinin təmsilçilərinin iştirak edəcəyi gözlənilir.

Bəlli olduğu kimi, Türkiyənin qaz qovşağı mərkəzinə çevrilməsi təklifini Rusiya Prezidenti Vladimir Putin irəli sürüb, Türkiyə Prezidenti Rəcəb Tayyib Ərdoğan bu təklifi dəstəkləyib.

Hürr Tərcüman