İsrail səfirinin bu dəfə də Nizami Gəncəvi ilə bağlı paylaşımı iranlıları "cin atına midirdi"

2022-07-29 10:56:00

İsrail səfirinin bu dəfə də Nizami Gəncəvi ilə bağlı paylaşımı iranlıları

İsrailin Bakı səfirinin Nizami Gəncəvi ilə bağlı paylaşımı iranlıları qəzəbləndirib. Belə ki, İsrailin Azərbaycandakı səfiri Corc Dikin özünün tvitter hesabında Nizami Gəncəvi ilə bağlı yeni paylaşımı iranlıların qəzəbinə səbəb olub və fars dilli mediada geniş müzakirə edilir. 
"Böyük Azərbaycan şairi və filosofu Nizami Gəncəvinin yaradıcılığından bəhs edən bu gözəl kitabı oxumaq üçün səbirsizlənirəm"-Corc Dik iyulun 28-də tvitter hesabında yazıb. 
Səfirin paylaşımından sonra İran mediası ilə yanaşı, xaricdəki İrana müxalif bir sıra fars dilli media, o cümlədən "Amerikanın səsi"nin fars bölümü də məsələyə geniş yer verib. Onlar İranın Azərbaycandakı səfiri Abbas Musəvi kimi İsrail səfirinin adını qeyri-ciddi formada "gənc oğlan", "gənc səfir" kimi qeyd edərək "Nizami Gəncəvinin İran və fars şairi" olduğunu vurğulayıblar. 
Amerikada yaşayan İran məsələləri üzrə təhlilçi Əlirza Nadir Corc Dikə cavab tivitti yayıb və Nizaminin yaradıcılığının fars dilində olduğunu xatırladıb. 
Xaricdə fəaliyyət göstərən və bəzilərinin bir başa ABŞ hökuməti tərəfindən maliyyələşən fars dilli medianın İsrail səfirinin Təbriz və Nizami ilə bağlı paylaşımlarına münasibətləri rəsmi Tehranın və onun Azərbaycandakı səfiri Abbas Musəvinin mövqei ilə üst-üstə düşür. 
Qeyd edək ki, İsrailin Bakıdakı səfiri Corc Dik bir neçə gün öncə Azərbaycanın qədim şəhəri Təbrizin tarixi və incəsənətindən bəhs edən "Təbrizin sehrli nağılları" kitabı ilə bağlı paylaşımı geniş müzakirələrə səbəb olub. 
İranın Azərbaycandakı səfiri Abbas Musəvi Tvitter hesabında paylaşım edərək İsrail səfirini "oğlancığaz" adlandırıb və onu ölümlə təhdid edib.

Ülviyyə, Hurriyyet.az


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.055231