İsmayıllıda iki intihar hadisəsi baş verib

İsmayıllı rayonunda iki intihar hadisəsi baş verib. APA-nın yerli bürosunun xəbərinə görə, rayonun Topçu kənd sakini 1950-ci il təvəllüdlü Mirzəyeva Gülnar Əhmədağa qızı yaşadığı evdə özünü kəndirlə asıb.

Onun meyiti müayinə üçün Respublika Məhkəmə Tibbi Ekspertiza və Patoloji Anatomiya Birliyinin İsmayıllı rayon şöbəsinə aparılıb.

Rayonun İvanovka kənd sakini, 1973-cü il təvəllüdlü Tatlıyev Viktor Viktoroviç də özünü asaraq intihar edib. Onun meyiti müayinə olunmaq üçün İsmayıllı rayon morquna aparılıb.

Hər iki faktla bağlı İsmayıllı rayon Prokurorluğu tərəfindən araşdırma aparılır.