İş adamı ilə bağlı polisə şikayət - 200 minlik iddia

2022-05-04 10:21:00

İş adamı ilə bağlı polisə şikayət - 200 minlik iddia

Tanınmış iş adamı Bəxtiyar Əzizli ilə bağlı polisə müraciət daxil olub.

Hurriyyet.az-ın əldə etdiyi məlumata görə, Bakı Şəhər Baş Polis İdarəsinə müraciət edən 1983-cü il təvəllüdlü İqrar İsgəndərov ərizəsində Bəxtiyar Əzizlinin ona məxsus 200 min manat pulu ələ keçirdiyini bildirib.

Şikayətçi qeyd edib ki, 1984-cü il təvəllüdlü Bəxtiyar Kamal oğlu Əzizli 2021-ci ilin dekabr ayında onu aldadaraq pulu alıb və daha sonra geri qaytarmayıb.

Toplanmış materiallar Bakı Şəhər Baş Polis İdarəsindən ərazi üzrə Binəqədi Rayon Polis İdarəsinə göndərilib. Araşdırmalar davam etdirilir.

Qeyd edək ki, B.Əzizli 2016-cı ildə neft sektorunda ixtisaslaşan “TOBOİL” və “Neftgen” şirkətlərini təsis edib. O, 2020-ci ildə “Baxmedia” şirkətini yaradıb.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya