İranlı deputat QUŞ QƏDƏR BEYNİ İLƏ Azərbacana ağıl verməyə çalışır - FOTO
2022-08-10 16:07:00
İran parlamentinin Təbriz şəhərindən seçilmiş millət vəkili Ruhullah Mütəfəkkir Məhərrəmlik ayı ilə bağlı dini mərasimlərin keçirilməsinə özünəməxsus siyasi münasibət bildirməyə cəhd edib.
Hurriyyet.az KONKRET.az-a istinadla xəbər verir ki, o, öz Tvitter hesabında Bakının Binə qəsəbəsində yaşayan və şəxsi evinin divarlarını qırmızı rəngə boyayaraq üzərinə “Ya Hüseyn” yazan Şəhla Fərəcovanı nəzərdə tutaraq qərəzli şəkildə yazıb:
“Sovet kommunist sistemi onun boyunduruğu altında olan xalqların dini mahiyyətini yox etmək istədiyi üçün davam gətirə bilmədi. Şiə xalqını idarə etməyin bir sıra qaydaları var. Təkcə İmam Hüseyn bayrağına hörmətlə yanaşmağı deyil, həm də sionistlərin qarşısını almağı tələb edir”.