İranla Səudiyyə Ərəbistanı arasında münasibətlər normallaşa bilər

Hurriyyet.az “Vestnik Kavkaza” nəşrinə istinadla xəbər verir ki, Braziliyada İranın parlament məsələləri üzrə vitse-prezidenti Məhəmməd Hüseyni ilə Səudiyyə Ərəbistanının Xarici İşlər naziri Feysal ibn Fərhan əl Səud arasında görüş baş tutub. Onlar Braziliyanın yeni Prezidentinin inauqurasiyası mərasimində iştirak eləmək üçün bu ölkəyə səfər ediblər.

Səudiyyə Ərəbistanının XİN rəhbəri Ər-Riyadın İranla danışıqları davam etdirməyə hazır olduğunu söyləyib. Feysal ibn Fərhan əl Səud İranla Səudiyyə Ərəbistanı arasındakı münasibətlərin regiondakı vəziyyətə təsir etdiyini də vurğulayıb.

Xatırladaq ki, 2022-ci il dekabrın 19-da Bağdadda Səudiyyə Ərəbistanı ilə İranın xarici işlər nazirlərinin görüşü keçirilmişdi.

Hürr Tərcüman