İranın şovinist “Fars News” saytı Seyid Cəfər Pişəvərini təhqir etdi

2022-09-01 14:42:00

İranın şovinist “Fars News” saytı Seyid Cəfər Pişəvərini təhqir etdi

Azərbaycana qarşı düşmənçiliyi hamıya məlum olan “Fars News” cəfəng məlumat yayaraq Seyid Cəfər Pişəvəriyə qarşı nifrət toxumu səpir. Bu addımın bəzi İran mediasının son vaxtlar Azərbaycan Prezidentinə qarşı qarayaxma kampaniyası aparması ilə eyni vaxta baş verməsi çox düşündürücüdür.
“Fars News” Cəfər Pişəvəriyə qarşı təhqiramiz ifadələr işlədib: “Azərbaycana qarşı ən məşhur xainin aqibəti / Gic və başdan xarab Cəfərxan kim idi?”
“Cəfər Pişəvəri - Azərbaycan tarixinin müəyyən bir dövründə 1-ci dərəcəli xain lazım olduğu vaxt qəflətən peyda oldu və elə bir iş gördü ki, heç bir ağlı başında olan iranlı bunu etməzdi; O, Azərbaycanı İrandan ayırmaq İstəyirdi. Axırı nə oldu?”
Amma Seyid Cəfər Pişəvərinin xidmətlərini xatırlatmaq yerinə düşər: Azərbaycan üçün kilometrlərlə avtomobil yolu, Təbriz hava limanı, Təbrizdə Azərbaycan radiosu, elektrik enerjisi stansiyaları və qaz boru kəmərləri, Azərbaycan şəhərlərində park və küçələr, Azərbaycan kəndlərində 3 minə yaxın məktəbin tikintisi, azərbaycanlılar üçün ibtidai təhsilin pulsuz və icbari təhsilin rəsmiləşdirilməsi, türk dilində dərsliklərin hazırlanması, cəmiyyətin imkansız təbəqəsi üçün sosial təminat sisteminin yaradılması, torpaq islahatı haqqında qanunun, əmək və ticarət haqqında qanunun qəbulu və icrası, qadınlara qaşı ayrıseçkiliyi qadağan edən qanunun qəbulu və həyata keçirilməsi, qadınların səs (seçmək və seçilmək) hüquqununun təmin edilməsi, edam cəzasının ləğvi və s.
Ancaq sizin Azərbaycana xidmətlərinizin bölgə əhalisinin əksəriyyəti üçün yoxsulluq və fəlakət, Urmu gölünün yox edilməsi, yeraltı sərvətlərin talan edilməsi və Azərbaycana verilən payın yalnız yoxsulluq və ekoloji çirklənmədən ibarət olmasıdır. Su böhranı və yeraltı suların azalması, Azərbaycan sənayesinə sərmayə qoyulmaması- nümunə üçün 40 il ərzində Azərbaycan və Təbrizin sənayesinə sərmayə qoyulmayıb. Traktor və maşınqayırma sənayesi Pəhləvi dövrünə aiddir. Şərqi Azərbaycan əyalətinin Ehtiyat hissələri və  istehsalçıları birliyinin rəhbəri etiraf edir ki, İranın digər bölgələrində istehsala başlamaq üçün Azərbaycandakı istehsal konveyerinə möhür vuraraq bağladılar. Hələ, dəmir yolu xətti Ərdəbilə çatmayıb və buranın əhalisi qeyri-standart və geridə qalmış yollarda qətliam edilir. Azərbaycan, əhalisinin İranın mərkəzi hissələrinə ən çox köçən bölgədir.
Siz Ərəb Körfəzini- Oman dənizini çinlilərə bağışlamaqla  su mənbələrini qarət edərək dünya qaz bazarını ruslara və qaz yataqlarını Qətərə təqdim etdiniz”.

Ülviyyə, Hurriyyet.az


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.082543