İran MOSSAD agentlərini həbs etdi: partlayıcı yerləşdirərkən...

2022-07-25 09:00:00

İran MOSSAD agentlərini həbs etdi: partlayıcı yerləşdirərkən...

İranın Kəşfiyyat Nazirliyi MOSSAD-ın agentlər şəbəkəsini ifşa etdiyini açıqlayıb.

Hurriyyet.az xəbər verir ki, bu barədə “Mehr” məlumat yayıb.

Bildirilib ki, İsrail agentləri İrana terror aktları törətmək üçün gəliblər, ancaq diversiya hücumundan əvvəl onlar ifşa edilib və həbs olunublar.

Məlumatda vurğulanıb ki, şəbəkə üzvləri İranın qonşu ölkələrindən biri vasitəsilə MOSSAD ilə əlaqə saxlayıb və “Kürdüstan”dan (İraq nəzərdə tutulur – red.) İrana daxil olublar.

İddia edilib ki, casuslar bir neçə ay Afrika ölkələrindən birində hazırlıq keçib və İsfahanda terror-diversiya həyata keçirmək üçün göndəriliblər.

“Agentlər məhz partlayıcı maddələri yerləşdirərkən yaxalanıblar. Casus qrup ölkəyə daxil olmazdan əvvəl İran Kəşfiyyat Nazirliyinin müşahidə altında olub. Həbs edilən qrupla ölkə daxilində və xaricdə mümkün təmasların olması ilə bağlı araşdırmalar və kəşfiyyat monitorinqi davam edir”, - “Mehr” yazıb.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.054069