İnsan Hüquqları üzrə Müvəkkili, hüquq üzrə fəlsəfə doktoru (Ombudsman) Səbinə xanım Əliyevanın seçilərək fəaliyyətə başlamasının 6-cı ili tamam olur

Səbinə xanım bu illər ərzində həm ölkə daxilində, həm də beynəlxalq tribunalarda Azərbaycan dövlətinin milli maraqlarını cəsarətlə müdafiə edib, insan hüquqları ilə bağlı ən həssas məsələləri gündəmə gətirib və onların həlli üçün qətiyyətli mövqe nümayiş etdirərək ciddi addımlar atıb. Fəaliyyəti dövrü Vətən tarixinin ən həssas və mürəkkəb dönəmini əhatə edib. Azərbaycan həqiqətlərinin, total səviyyədə pozulmuş hüquqlarımızın bərpası üçün siyasi və hüquqi baxımdan olduqca məsuliyyətli bir dövürdə ən qaynar nöqtələrdən dünyaya əsl həqiqətləri çatdırıb və Dəmir Yumruğun ətrafında xalqının həyati əhəmiyyətli maraqlarını ləyaqətlə müdafiə edib.

O, dövlət qurumları ilə vətəndaşlar arasında etibarlı bir körpü rolunu oynayaraq insanlarımızın qayğısına xüsusi həssaslıqla yanaşıb, zamanında verilən qərarları və təşəbbüsləri ilə bir çox problemlərin vaxtında qarşısının alınmasına köməkliyini göstərərək cəmiyyətdə ədalətə olan inamı daha da gücləndirib.

Səbinə Əliyeva — ədaləti ilə seçilən, yüksək mədəniyyətə, əxlaqa və etik dəyərlərə sahib, sədaqətli, əqidəsinə sadiq, əsilli-köklü bir ziyalı ənənəsinin davamçısı olaraq bu illər ərzində fəaliyyətini xalqa xidmət prinsipi üzərində qurub və bununla da geniş rəğbət qazanıb.

Bu anlamlı gün münasibətilə Səbinə xanımı ürəkdən təbrik edir, zərif çiyinlərində daşığdığı olduqca ağır və məsuliyyətli fəaliyyətində davamlı uğurlar arzulayıram.

İnsan hüquqları uğrunda göstərdiyi əzmi, cəsarəti, vahid və dönməz mövqeyi ilə etdiyi fədakarlıq daim yolunu işıqlandırsın!

Araz Əsgərli
Azərbaycan Respublikasının
İnsan Hüquqları üzrə Müvəkkili (Ombudsman) Aparatının
Mətbuat Katibi