İmtahan sualları niyə çətin olur? - Nazirdən açıqlama

2022-06-14 17:14:00

İmtahan sualları niyə çətin olur? - Nazirdən açıqlama

Təhsil naziri qəbul imtahanına daxil edilən sualların çətinliyi ilə bağlı səsləndirilən fikirlərə münasibət bildirib.

Hurriyyet.az-ın məlumatına görə, nazir Azərbaycanda qəbul prosesinin rəqabətli olduğunu deyib.

“Məsələn, 80 min abituriyent ali məktəbə qəbul üçün sənəd verir, amma onlardan 45 mini ali təhsil almaq hüququ qazanır. Suallar çətin olanda hamı üçün çətin olar. Suallar çətin olanda ballar aşağı düşür, suallar asan olanda ballar da bir o qədər yüksəlir. Təbii ki, bunun heç bir mahiyyəti yoxdur. Çünki 45 min abituriyent yenə də ali təhsil ala bilir. Mənə görə qəbul prosesində sualların çətinliyi ilə bağlı Dövlət İmtahan Mərkəzi hər il elmi statistik təhlilləri yayır. Görərik ki, sualların çətin və ya asan olması nisbidir. Hələ də abituriyentlərin bəziləri açıq tipli sualların cavablandırılmasında çətinlik çəkirlər. Amma yaxşı xəbər odur ki, 2-3 il bundan əvvəl belə suallara cavab vermək istəməsələr də, indi vəziyyət müsbət mənada dəyişir” – E.Əmrullayev açıqlamasında bildirib. 


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya