İkiqat  dünya çempionu  Vəli İsrafilov 

“Paris-2024” Yay Paralimpiya Oyunlarında  idmançımız Vəli İsrafilov sevindirici nəticə əldə edib. Belə ki,   SB13 kateqoriyasında çıxış edən paraüzgüçümüz  100 metr məsafəyə brass (qurbağa) üsulu ilə üzmə yarışının final mərhələsində öz qüvvəsini sınayıb. O, 1:05:35 nəticə göstərərək fəxri kürsünün üçüncü pilləsinə qalxmaqla bürünc medal qazanıb.

Vəli İsrafilov  əslən Masallıdandır. Rayonun  Köhnə Alvadı kəndində dünyaya göz açıb.   İlk təhsilini Masallı şəhər “Dəfinə” məktəb-liseyində alıb.  Böyük Xocavar kənd tam orta məktəbini  başa vurduqdan sonra  Azərbaycan Dövlət Neft və Sənaye Universitetinin (ADNSU) Elektrotexnika və energetika fakültəsində bakalavr səviyyəsi üzrə təhsil alıb.

Dünya idman tarixində adı olan  Vəli İsrafilov  ikiqat  dünya çempionudur. Əsasən idman uğurları

2019-cu ildən başlanır.  Həmin ildə  Londonda keçirilən üzgüçülük üzrə Dünya çempionatında III yerə layiq görülüb. İki il sonra  “Tokio-2020” Yay Paralimpiya Oyunlarında 100 metr məsafəyə brass üsulu ilə üzgüçülük yarışında bütün rəqiblərini qabaqlayaraq Paralimpiya çempionu olub.

2022 və 2023-cü illərdə isə  paraüzgüçülük üzrə Dünya çempionu adını sahib çıxıb və şanlı bayrağımızı ən yüksək zirvəyə ucaldıb.

Zəfər ORUCOĞLU