Hulusi Akar İsveçə xəbərdarlıq etdi

Hurriyyet.az xəbər verir ki, Milli Müdafiə naziri Hulusi Akar sağçı ekstremist “Sərt Kurs” partiyasının lideri Rasmus Paludanın şənbə günü Türkiyənin Stokholmdakı səfirliyi qarşısında “Quran”ın yandırılması ilə əlaqədar Türkiyənin İsveçin NATO-ya üzv olmasına veto qoymaq hüququndann istifadə edə biləcəyini bildirib.

Türkiyə XİN isə bəyan edib ki, bu aksiya Avropada islamofobiya, irqçilik və ayrı-seçkiliyin səviyyəsinin göstəricisidir.

Türkyənin “A Haber” kanalının verdiyi xəbərə görə nazir Hulusi Akar deyib: “Əgər işlər belə davam eləsə, bizim münasibətimiz çox qəti və aydın olacaqdır”.

İsveç ilə Finlandiyanın NATO-ya daxil olması müraciətlərinə yalnız Türkiyə ilə Macarıstan təsdiq cavabı verməyiblər.

Hürr Tərcüman