Helikopter bu səbəblərdən qəza keçirə bilər- Polkovnikdən AÇIQLAMA - VİDEO

"Mən şəhid olan hərbçilərin çoxunu tanıyırdım. Elələri var idi ki, bir yerdə orduda xidmət etmişdik. Bunu indi heç kim deyə bilməz ki, helikopter hansı səbəbdən qəzaya uğrayıb".

Hurriyyet.az xəbər verir ki, bu sözləri "ARB24"-də yayımlanan "Nə baş verir?" verilişində ehtiyatda olan polkovnik Dadaş Umbatov bildirib.

"Hər bir aviasiya qəzasında ilk öncə "qara qutu" tapılmalı və pilotların danışığına qulaq asılmalıdır. Hava şəraiti qiymətləndirilməlidir. Tədqiqat getməlidir. Bundan sonra kimsə nəsə deyə bilər.

Ümumiyyətlə, aviasiyada qəza olarsa, bu, bir neçə amildən baş verə bilər. Əsas amillərdən biri insan faktorudur. Daha sonra hava şəraiti və texniki nasazlıqdır".