Saat:11:12
Haqqımızda

Hakim partiya Zurabişvilini bir daha prezident adlandırmayacaq – GÜRCÜSTANDA SİYASİ QALMAQAL DƏRİNLƏŞİR

2023-11-14 12:48:18

Hakim partiya Zurabişvilini bir daha prezident adlandırmayacaq – GÜRCÜSTANDA SİYASİ QALMAQAL DƏRİNLƏŞİR

Gürcüstanda prezident Salome Zurabişvili ilə hakim “Gürcü arzusu” partiyası arasında münaqişə dərinləşir.

Hurriyyet.az bu barədə Gürcüstan mediasına istinadən xəbər verir.

İddia olunur ki, hakim partiya bundan sonra Zurabişviliyə münasibətdə “prezident” sözünü işlətməyəcək və onun statusuna tamamilə məhəl qoymayacaq.

“O, xalqın seçdiyi deputatlardan, onu seçən çoxluqdan legitimlik əldə etməyib. Ona görə də biz onu prezident deyil, sadəcə olaraq Salome Zurabişvili... müxalifət siyasətçisi adlandıracağıq”, - partiyanın icraçı katibi Mamuka Mdinaradze bildirib.

Bu bəyanat Zurabişvilinin Fransanın LCI telekanalına müsahibəsindən sonra verilib və journalist ondan Rusiya prezidenti Vladimir Putin və Çinin baş katibi Si Tszinpinin nə vaxtsa məhkəmə qarşısına çıxacağına ümid edib-etmədiyini soruşub.

Gürcüstan Prezidenti belə cavab verdi: “İnanıram ki, hər şeyi öz yerinə qoyacaq tarixi məqam yetişməlidir. Amma məndən soruşsanız ki, mən bunu real hesab edirəmmi, cavab verəcəm: yox”. Beləliklə, Zurabişvili Rusiya və Çin liderləri haqqında fikirlərini konkret açıqlamayıb.

 

Müsahibəyə cavab olaraq Gürcüstan hökuməti bu cür bəyanatların Çinlə strateji əməkdaşlığa zərər verə biləcəyindən narahatlığını ifadə edib. Gürcüstanın baş naziri Qaribaşvili Çin səfiri ilə görüşüb, ÇXR və Si Cinpinə dostluq və rəğbətini bir daha təsdiqləyərək bildirib ki, Zurabişvilinin fikirləri heç bir məna daşımır.

Ülviyyə ŞÜKÜROVA

Hurriyyet.az

 

1954-cü ildə istehsal olunan “Qaz 12” SATILIR – ONDAN XRUŞOV DA İSTİFADƏ EDİB / FOTOLAR

Load Time (S) : 0.663140