Hacıbala Abutalıbovun oğlu "Əbu Bəkr"in dəbdəbəli oteli – BİR GECƏSİ 35 MİN AVRO!
Bu yaxınlarda qardaş Türkiyədə istifadəyə verilən Bakının sabiq meri Hacıbalı Abutalıbovun oğluna məxsus otelin ən bahalı otağının qiyməti 35 min avrodur.
Türkiyə mənbələrinin məlumatına görə, Ürgüp şəhərində - Nevşehirin inzibati mərkəzində yerləşən beşulduzlu “Ajwa Hotel Cappadocia” tezliklə ilk ziyarətçilərini qəbul etməyə və onları otel kompleksinin ərazisində yerləşən “Zəfəran” restoranında Azərbaycan mətbəxinin nəfis təamlarına qonaq etməyə başlayacaq.
Türkiyə mənbələrinin məlumatına görə, otelin sahibi “azərbaycanlı iş adamı Əbu Bəkr”dir. Əslində, iş adamının adı İsrafil Abutalıbovdur. Məlum oldu ki, Bakının keçmiş merinin oğlu vəhhabilərlə təmasından sonra adını dəyişərək Əbu Bəkr qoyub.
“Ajwa Hotel Cappadocia” şirkətinin baş direktoru Ali Türk bildirib ki, oteldə 2000 kvadratmetrlik tədbir zalı, mini zoopark, uşaq meydançaları və meyvə bağları olacaq. Otelin dizaynı orta əsr karvansaralarını xatırladır.
Bundan əlavə, şirkət İstanbulun Sultanahmet səmtində yeni 16 nömrəli butik otel açmağa hazırlaşır. Əbu Bəkrin 2017-ci ildə 20 milyon dollara aldığı və tamamilə təmir etdirdiyi otelin “Ajwa” brendi ilə də fəaliyyət göstərəcəyi bildirilir.
Qeyd edək ki, Hacıbalı Abutalıbovun oğlu 2000-ci illərin ortalarında Azərbaycan “qızıl gəncliyi”nin nümayəndəsi kimi Bakıda “yandırılıb”. Həmin illərdə İsrafil hələ Əbu Bəkr deyildi və buna görə də Bakının hər cür əyləncə müəssisələrində vaxt keçirir, bahalı maşınlarla şəhəri gəzirdi. Həmin illərdə Konstitusiya Məhkəməsi sədrinin köməkçisi (2008-ci ilə qədər adı bu strukturda olub – red.) işləyib, qəpik-quruş maaş alsa da, Bakı merinin oğlu təbii ki, belə bir həyat tərzi keçirə bilməzdi.
Əbu Bəkr, yaxud İsrafil ibn Hacıbala
Sabiq rabitə və yüksək texnologiyalar naziri Əli Abbasovun qızı ilə ailə həyatı quran İsrafil tezliklə boşanaraq Londona köçüb. Və bir neçə il orada yaşayıb, artıq radikal vəhhabi cərəyanının aparıcı siması kimi Bakıya qayıdıb. Deyilənə görə, İsrafil dini radikalizmə o qədər qapılıb ki, hətta atasını, qazandığı pulun Allaha xoş gəlmədiyinə inandıraraq, istefaya getməyə razı salmağa çalışıb. “Xoşbəxtlik”dən ata oğlunun məsləhətinə məhəl qoymayıb...
Sonralar İsrafil Azərbaycanı həmişəlik tərk edərək Türkiyədə məskunlaşıb və burada böyük mehmanxana və ticarət biznesi ilə məşğul olmağa başlayır.
Hurriyyet.az
