Gürcüstan Ermənistanla sərhədi bağlayıb

Hurriyyet.az "Vestnik Kavkaza" portalına istinadla xəbər verir ki, Gürcüstanda hava şəraitinin pisləşməsi Ermənistanla sərhədin bağlı qalmasına səbəb olub. Bütün növ nəqliyyat vasitələri üçün keçid qadağan edilib. Gürcüstan-Ermənistan sərhədindəki "Ninotsminda" sərhəd keçid məntəqəsinə aparan Paravani aşırımı fevralın 5-də də açılmayacaq.
Aşırımda bütün növ nəqliyyat vasitələrinin hərəkəti məhdudlaşdırılıb. Gürcüstanın Avtomobil Yolları Departamenti bildirib ki, boran və çovğun nəticəsində yollarda görmə səviyyəsi də aşağı düşüb.
Hürr Tərcüman