GƏNCƏYƏ BÖYÜK ÜMİDLƏRLƏ GÖNDƏRİLMİŞDİ, AMMA... - Xəyal İsmayılov tutduğu vəzifədən azad olundu

2022-05-28 15:04:00

GƏNCƏYƏ BÖYÜK ÜMİDLƏRLƏ GÖNDƏRİLMİŞDİ, AMMA... - Xəyal İsmayılov tutduğu vəzifədən azad olundu

15 noyabr 2021-ci ildə Daşınmaz Əmlakın Dövlət Reyestr Xidmətinin 3 saylı Gəncə Ərazi İdarəsinin rəisi vəzifəsinə təyin olunan Xəyal İsmayılov bu günlərdə işdən azad olunub.

Hurriyyet.az bu barədə mötəbər qaynaqlara istinadən məlumat verir.

Bildirilir ki, bu vəzifəyə Bakıdan çox böyük ümidlərlə göndərilən Xəyal İsmayılov nəinki sələfi Abdulla Abdullayevin yaratdığı problemləri həll edə bildi, əksinə, çoxsaylı qanunsuz əməlləri ilə qısa müddətdə şəhərdə ad çıxardı. Məlumata görə, elə onun işdən çıxarılması da məhz qanunsuz əməlləri ilə bağlıdır.

Ən maraqlısı isə odur ki, vaxtilə X.İsmayılovun bu vəzifəyə təyin olunmasına zamin duran indiki Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin rəhbər şəxslərindən birinin də bu məsələdə “başı ağrıya” bilər. Çünki Xəyal İsmayılovun qanunsuz əməlləri ilə bağlı bu gün həmin məmurdan hesabat tələb olunur ki, belə bir məsul vəzifəyə yarasız bir şəxsin təqdimatını verərkən və ona zamin durarkən nə kimi marağı olub?! Mənbənin sözlərinə görə, bu baxımdan hazırda yüksək vəzifədə çalışan həmin şəxsin də öz işində qalıb-qalmayacağı şübhəlidir. Yəni bu faktla bağlı Əmlak Məsələləri Dövlət Xidmətinin vəzifəli şəxslərindən birinin işdən çıxarılması da an məsələsidir.

Gəncədə

Hurriyyet.az

Redaksiyadan: Mövzunu davam etdirəcəyik. Qarşı tərəfin mövqeyini də dərc etməyə hazırıq.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya