Fuad Qəhrəmanlının qızına təcavüzdə ittiham olunan şəxslə bağlı ekspert rəyləri açıqlandı

2022-06-29 20:27:00

Fuad Qəhrəmanlının qızına təcavüzdə ittiham olunan şəxslə bağlı ekspert rəyləri açıqlandı

AXCP funksioneri Fuad Qəhrəmanlının qızına cinsi təcavüzdə təqsirləndirilən Əsgər Ağazadənin barəsindəki cinayət işi üzrə məhkəmə istintaqı başa çatmaq üzrədir.

Bu gün Bakı Ağır Cinayətlər Məhkəməsində hakim Novruz Kərimovun sədrliyi ilə keçirilən iclasda iş üzrə sonuncu şahid Fərid Qafarov dindirilib. O, Sənay Qəhrəmanlının anası Zümrüd Yağmurun ifadəsinə münasibət bildirib. Zümrüd Yağmur ifadəsində deyib ki, qızı ilə Əsgər Ağazadənin birlikdə olduğu iddia olunan gündə Fərid Qafarov onlara narkotik aparıb. Məhkəmədə ifadə verən şahid ümumiyyətlə, həmin gün Əsgər Ağazadənin evinə getmədiyini bildirib: "Əsgərlə telefonla yazışırdıq. Mənə dedi ki, dur, gəl bizə. Həmin gün işim olduğu üçün gələ bilməyəcəyimi dedim. Dediyim kimi, ümumiyyətlə, həmin gün o evə getməmişəm! Vəssalam..."

 Bundan sonra iş üzrə sənədlərin tədqiqi mərhələsi başlayıb.

 Məhkəmədə elan olunmuş ekspertiza rəylərinə görə ittiham olunan şəxsin qanında narkotik aşkar olunmayıb. Həmçinin Sənay Qəhrəmanlının bətnindən götürülən analizdə və bioloji material nümunələrində Əsgər Ağazadəyə aid spermatozoid aşkar olunmayıb.

 Proses iyulun 13-də davam etdiriləcək.

 Xatırladaq ki, 2004-cü il təvəllüdlü Sənay Qəhrəmanlının cinsi təcavüzə məruz qalması barədə müraciəti əsasında Cinayət Məcəlləsinin 149.2.3 (təqsirkar şəxs üçün aşkar surətdə yetkinlik yaşına çatmayan şəxsə qarşı törədildikdə) maddəsi ilə Yasamal rayon prokurorluğunda cinayət işi başlanıb. Cinayət işi Baş Prokurorluğun rəhbərliyi tərəfindən nəzarətə götürülüb, istintaqın davam etdirilməsi İstintaq idarəsinə həvalə edilib. Həyata keçirilmiş kompleks istintaq-əməliyyat tədbirləri ilə Əsgər Ağazadənin aşkar surətdə yetkinlik yaşına çatmayan Sənay Qəhrəmanlıya cinsi təcavüz etməsinə dair əsaslı şübhələr müəyyən olunub. Cinayət işi üzrə Əsgər Ağazadəyə Cinayət Məcəlləsinin 149.2.3-cü maddəsi ilə yekun ittiham elan olunub. \\AZİNFORM.AZ 


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.076043