Ərsin Tatar Azərbaycana gəldi

Şimali Kipr Türk Respublikasının Prezidenti Ərsin Tatar iyulun 2-də Azərbaycana səfərə gəlib.

Hurriyyet.az xəbər verir ki, onun iyulun 3-4-də Xankəndidə keçirilməsi planlaşdırılan İqtisadi Əməkdaşlıq Təşkilatına (ECO) üzv ölkələrin XVII Zirvə görüşündə müşahidəçi ölkənin dövlət başçısı kimi iştirakı nəzərdə tutulub.

Eyni zamanda Ə.Tatarın səfər çərçivəsində onun bir sıra tədbirlərə qatılacağı gözlənilir.

Bundan başqa, Şimali Kipr Prezidentinə Azərbaycan Texniki Universitetinin (AzTU) fəxri doktoru adının verilməsi nəzərdə tutulub.