Ermənistan sərhədlərini ABŞ sərhədçiləri qoruyacaqlar?

Hurriyyet.az xəbər verir ki, Ermənistanın xarici işlər naziri Ararat Mirzoyan Amerika sərhədçilərinin Ermənistan sərhədlərində xidmət etməyəcəklərini bildirib. Onun sözlərinə görə, ABŞ-nin gömrük və sərhəd nəzarəti mütəxəssislərinin Ermənistana planlaşdırılan səfərində məqsəd onların respublika sərhədlərində işə cəlb olunması deyil.
Mirzoyan deyib: "Amerikalıların səfəri - erməni tərəfinin sərhəd nəzarəti imkanlarını genişləndirməsi üçün əməkdaşlığın kompanentlərindən biridir. Amerika sərhədçilərinin erməni sərhədindəki varlığından söhbət gedə bilməz".
Amerikalıların Ermənistana səfəri ilin əvvəlində İrəvanla Vaşinqton arasında imzalanmış strateji əməkdaşlıq xartiyası çərçivəsində tədbirlərdən biri kimi planlaşdırılıb.
Hürr Tərcüman