Saat:18:46
Haqqımızda

“Əli Mirəliyevə deyirdin, “şpaqat” aç”

2023-01-31 20:59:00

“Əli Mirəliyevə deyirdin, “şpaqat” aç”

Onlar “Sabaha saxlamayaq” verilişində “Əqrəb mövsümü” serialından danışarkən mübahisə ediblər. Buna səbəb isə Rövşanənin ekran işindəki dilimizdən istifadə ilə bağlı qaydalara irad bildirməsi olub:
“Xoşuma gəlməyən tərəfləri söyləyəcəm, redaktor işi çox zəif, pinti idi. Ola bilər ki, rus sözləri ilə qarışdırıblar. Bu da təəssüf doğurur. Çünki dil məsələsi bizim yaralı yerimizdir. Gündəlik həyatımızda da buna qarşı çıxırıq. Televiziya bir nümunə olub. Məsələn, hamamda çimirik, onda o çılpaqlığı da efirdə göstərək? Deyirik ki, gündəlik həyatda da rus sözlərindən, “uje”dən, “davay”dan istifadə etməyək. Amma serialda verilir. Ola bilər ki, siz pul baxımından düşünürsünüz, biznesi fikirləşirsiz, hər məsələdə çalışırsız pul gətirsin”.
Oqtay isə onun fikirlərinə qarşı çıxaraq təbiilikdən yana olduğunu söyləyib: “Onlar ütülənmiş etsəydi, hamı dəyəcəkdi ki, sünidir”.
Bundan sonra Rövşanə “Azərbaycan dilində təmiz danışırıqsa, ütülüdür? Biz müstəqil Azərbaycan dövlətinin vətəndaşlarıyıq. Öz dilimizdə danışmalıyıq. Mənim qızım rus, ingilis dilini bilir, amma öz dilimizdə təmiz danışır. Dilçilər dilimizin mükəmməlliyi uğrunda çalışırlar. Mən danışıram, rus sözlərindən istifadə etmirəm. Ütülü danışıram? Qətiyyən. Öz dilimdə danışıram. Gözəl rejissor işi var idi. Bilmirəm, reytinq niyə yoxdur. Biz benzin doldurma yerinə də gedəndə baxırıq ki, ya ATV, ya da ARB-yə baxılır. Çünki əvvəldən onlar bazarı tutublar. Burda reytinqdən danışmayaq”, - deyə, vurğulayıb.
Prodüser də bu məsələyə biganə qalmayaraq fikirlərini səsləndirib:
“İTV reytinqlərə baxmayaraq çox böyük, bahalı işlər görür, keyfiyyətli işlər yaradır. Bu da onun büdcəsi ilə əlaqəlidir ki, fikirləşir, reytinq olsa, daha yaxşı olardı. Olmasa da, eybi yox. Çünki dövlət tərəfindən köməklik edilir. O ki qaldı reytinq məsələsinə, siz dediyiniz maarifləndirici verilişlər üçün xüsusi kanallar olur. Onu həmin kanallarda edin. Məsələn, Mədəniyyət TV var. Sizin verilişlə bağlı kanal rəhbərliyi deməlidir ki, bu bizlik deyil”.
Rövşanə Oqtayın bu münasibəti ilə də razılaşmayıb:
“Televiziyanı bazara çevirək? Siz bütün məqamlarda ancaq bazar düşünürsüz”.
Ardınca Oqtay “Bazar pis yerdir? Gedirik, oradan məhsul alıb evdə bişiririk. Öz hesabına çalışan televiziyalar var ki, onlar bazar deyil. Həmin proqramları izləmək istəməyənlər digərinə baxsın. Hansılar ki, camaat baxmaq istəyir. Ona görə də kanallar bir-birindən ayrılıb”.
Gərginlik isə bu məqamdan sonra artıb. Rövşanə Oqtayın illərdir reytinq üçün keyfiyyətsiz proqramlar təqdim etdiyini iddia edib:
“Məsələ reytinqin nəyə gedib-getməməsi deyil. Keyfiyyətsiz işə yaxşı reytinq gəlir. Əvvəldən tamaşaçıya o qədər keyfiyyətsiz məhsullar, səviyyəsiz verilişlər təqdim etdiz. İnsanları öyrəşdirdiz”.
Prodakşın rəhbəri aparıcının ittihamlarını cavabsız qoymayıb:
“Səndə də həmin verilişlərdən var idi. Sən də o proqramlardan çıxmısan. Əli Mirəliyevə deyirdin ki, “şpaqat” aç”.

 

 

Yenilik.az

1954-cü ildə istehsal olunan “Qaz 12” SATILIR – ONDAN XRUŞOV DA İSTİFADƏ EDİB / FOTOLAR