Ehtiyatda olan zabit yol qəzasında öldü (FOTO)

İsmayıllıda ölümlə nəticələnən yol - nəqliyyat hadisəsi baş verib. 

DİN-in Mətbuat Xidmətinin Şəki regional qrupundan Hurriyyet.az-a verilən xəbərə görə, hadisə bu gün axşam saatlarında şəhər ərazisində, görmə məhdudiyyətli ərazidə qeydə alınıb.

Sürücü Arif Mirzəyev idarə etdiyi "Toyota" markalı avtomobil ilə yolu keçən piyada, 1979-cu il təvəllüdlü Mərdan Əhmədovu vurub. Nəticədə M. Əhmədov aldığı xəsarətlərdən hadisə yerində ölüb. İlkin araşdırma zamanı piyadanın sərxoş olduğu da müəyyən edilib. 

Məlumata görə,  M.Əhmədov ehtiyatda olan zabitdir. 

Faktla bağlı İsmayıllı Rayon Polis Şöbəsində araşdırma aparılır.