Dollar bir qədər də bahalaşdı - Manatın məzənnəsinə təsir edəcək?

2022-04-25 13:34:00

Dollar bir qədər də bahalaşdı - Manatın məzənnəsinə təsir edəcək?

Bu gün beynəlxalq birjalarda ABŞ dollarının bir qədər də bahalaşması qeydə alınıb.

Hurriyyet.az xəbər verir ki, Dollar İndeksi son 5 ildə ilk dəfə olaraq 101 həddini ötüb. Hazırda indeks 101,5 səviyyəsindədir.

Dolların bahalaşması ABŞ mərkəzi bankının uçot dərəcəsini yenidən artırması gözləntisi ilə bağlıdır. Bu ehtimal nəzərə alınaraq indeks yüksəlir.

Dolların bahalaşması avro ilə olan məzənnədə də müşahidə olunur. Bir il əvvəl 1,2 dollara dəyişdirilən avronun hazırda məzənnə dəyəri 1,075 dollardır.

ABŞ valyutasının bahalaşması manatın da məzənnə dəyərini möhkəmləndirir. Artıq Azərbaycanda avro 1,85 həddinə qədər geriləyib. Halbuki, bir il əvvəl avro manat kursu 2 manatdan yüksək idi.

Sfera.az


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya