Dizel mühərrikli avtomobil sürənlər MÜTLƏQ OXUSUN - Qiymətlər qalxdı

2022-04-26 20:13:00

Dizel mühərrikli avtomobil sürənlər MÜTLƏQ OXUSUN - Qiymətlər qalxdı

Azərbaycanda dizel mühərrikli və istismar müdəti yeddi ildən az olan avtomobillərin qiyməti 20% artıb.

Hurriyyet.az bildirir ki, bunu Trend-ə açıqlamasında avtomobil sahəsi üzrə ekspert Elməddin Muradlı deyib.

Onun sözlərinə görə, dizel avtomobillərinin qiymətinin artmasına səbəb ölkəmizə gətirilərkən onlara tətbiq edilən dövlət rüsumlarının artmasıdır.

"Dizel mühərrikli avtomobillərə qoyulan rüsumların artması ətraf mühitin çirklənməsinin qarşısını almaqdır. Hazırda 2,5 dizel mühərrikli avtomobillərdə qiymət 1500 manat bahalaşıb və ucuzlaşma gözlənilir. Köhnə və benzinlə işləyən avtomobillərin qiymətində isə qiymət artımı olmayıb", - deyə E.Muradlı bildirib.

Ekspertin sözlərinə görə, Rusiya istehsalı olan avtomobillərlə bağlı da bazarda durğunluq var:

"Çünki Rusiyada artıq avtomat ötürücü qutuya malik avtomobillər istehsal olunmur. Bunun səbəbi odur ki, "AvtoVAZ" şirkəti ötürücü qutuları Yaponiyadan, Koreyadan və Almaniyadan alırdı. Ukrayna ilə müharibədən başlayandan bəri həmin məhsulları ala bilmir. Ona görə ancaq mexaniki ötürücü qutuları olan avtomobillər istehsal edilir. Belə avtomobillərə də artıq bazarda maraq yoxdur", - ekspert vurğulayıb.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya